Zavod za hidrometeorologiju i seizmologiju ZHMS CG

Visinska dolina sa osom koja se pruža preko Britanskih ostrva i sjevera Italije se produbljava i približava našim predjelima. Na njenoj prednjoj strani, u jakoj jugozapadnoj struji pristiže vlažan i nestabilan vazduh. Danas krajem dana, tokom noći između srijede i četvrtka i sjutra u prvom dijelu dana očekuje se kiša, pljuskovi i grmljavina.

Lokalno se očekuju izraženiji pljuskovi i obilnije količine padavina u kratkom vremenskom periodu.

Uglavnom u južnim i centralnim oblastima su ponegdje moguće kratkotrajne vremenske nepogode.

U zoni grmljavinskih oblaka moguć je jak, na udare i veoma jak vjetar.

More će na otvorenom biti talasasto.  

Usljed ovakve vremenske situacije i kratkotrajno obilnije količine kiše moguće su određene posljedice na terenu.

ZHMS

Odsjek za analizu i prognozu vremena,

satelitsku i radarsku meteorologiju